無敵貓劍俠

概要

皮靴貓喺認識史力加之前，究竟有乜特別經歷？話説腳踏長靴、劍法一流嘅皮靴貓，一向 Chok 住嚟行俠仗義，冧死人無命賠，深受萬民愛戴！但係有一次，佢終於遇上一生中最大考驗…為咗喺阿積同阿招手上偷走絕跡咗幾個世紀嘅傳説魔豆；爭奪一隻世人夢寐以求、會生金蛋嘅金鵝，皮靴貓遇到佢一生中最強嘅敵人：美麗動人、專搞作對嘅綿掌貓女俠；以及一齊喺孤兒院長大嘅沙煲兄弟蛋散阿歷山大，並隨即展開一場魔幻歷奇大冒險！同場更會獨家披露皮靴貓「那些年，我們一起追的冷球」嘅童年生活，見識佢同蛋散之間嘅恩怨情仇！